عامر خان کے بعد فلم 3 ایڈیٹ کے مقبول اداکار بھی کورونا کا شکار ہوگئے

گزشتہ روز بالی وڈ کے مسٹر پرفیکشنسٹ عامر خان کا کورونا ٹیسٹ مثبت آنے کے بعد اب مقبول فلم 3 ایڈیٹس میں فرحان قریشی کا کردار نبھانے والے اداکار رنگا ناتھن مادھون بھی کورونا کا شکار ہوگئے۔

رنگاناتھن مادھون کی جانب سے سوشل میڈیا پر ایک ٹوئٹ شیئر کی گئی جس میں ان کا کہنا تھا کہ فرحان کو رانچو کی پیروی کرنی پڑے گی، اور وائرس ہمیشہ ہمارے پیچھے رہاہے لیکن اس بار وہ خونی (وائرس) پکڑا جا چکا ہے۔

رنگاناتھن مادھون نے لکھا کہ لیکن سب کچھ ٹھیک ہے اور ہم جلد ہی کورونا سے چھٹکارا پا لیں گے، اور اس جگہ پر ہم راجو (شرمن جوشی) کو اپنے ساتھ نہیں دیکھنا چاہتے۔

تھری ایڈیٹس کے اداکار نے اپنی پوسٹ میں مداحوں کے پیار پر ان کا شکریہ اداکرتے ہوئے کہا کہ میں تندرست ہوں۔

عامر خان بھی کورونا کا شکار ہوگئے

عامر خان کا کورونا 19 کا ٹیسٹ مثبت آیا ہے جس کے بعد انہوں نے خود کو گھر میں قرنطینہ کرلیا ہے: ترجمان عامر خان

خیال رہے کہ گزشتہ روز عامر خان کے ترجمان نے تصدیق کی تھی کہ اداکار کا کورونا ٹیسٹ مثبت آ گیا ہے جس کے بعد انہوں نے خود کو گھر میں قرنطینہ کر لیا ہے۔

ترجمان کا مزید کہنا تھا کہ عامر خان کی حالت بہتر ہے اور وہ تمام احتیاطی تدابیر پر عمل کر رہے ہیں۔