26 مارچ ، 2021 
فردوس عاشق کو مریم نواز کے میک اپ آرٹسٹ سے میک اپ کرانے کا مشورہ
26 مارچ ، 2021
اداکار مانی نے پی ٹی آئی رہنما فردوس عاشق اعوان کو مریم نواز کے میک اپ آرٹسٹ سے میک اپ کرانے کا مشورہ دے دیا۔
حال ہی میں حرا اور ان کے شوہر مانی ایک نجی ٹی وی کے شو میں شریک ہوئے اور دوران شو میزبان نےحرا اور مانی کو فردوس عاشق اعوان کی تصویر دکھائی اور انہیں مشورہ دینے کا کہا۔
پہلے پہل تو حرا نے فردوس عاشق اعوان کا نام غلط لیتے ہوئے کہا کہ یہ ہماری فردوس جمال ہیں، بعدازاں مانی کی جانب سے درستگی کرنے پر حرا اور مانی نے فردوس عاشق اعوان کو دنانیر کا اسٹائل کاپی کرتے ہوئےمشورہ دیا کہ یہ ہماری فردوس عاشق اعوان ہیں ان کو چاہیے کہ یہ گیمز کھیلیں اور سیاست نہ کریں۔
مانی نے دوران شو فردوس عاشق اعوان کو میک اپ آرٹسٹ تبدیل کرنے کا بھی مشورہ دیا اور ان کا کہنا تھا کہ معاون خصوصی کو چاہیے کہ وہ مریم نواز کے میک اپ آرٹسٹ سے میک اپ کروائیں کیوں کہ مریم نواز کا میک اپ آرٹسٹ اچھا ہے۔
دوسری جانب حرا کا کہنا تھا کہ ہر عورت گھر میں مریم نواز سے جل رہی ہے کیوں کہ اس کا شوہر مریم نواز کو دیکھ رہا ہے۔
حرا کے مطابق مرد مریم نواز کو دیکھ کر بیوی سے ڈرتے ہوئے یہی سوال کرتے ہیں کہ آخر اس نے منہ پر کروایا کیا ہے۔
مانی کا کہنا تھا کہ عام طور پر ہر شوہر کیپٹن صفدر جیسا ہی ہوتا ہے، سادہ سی شلوار قمیض اور چپل میں جب کہ ہر بیوی مریم نواز کی طرح ہر وقت اپ ٹو ڈیٹ رہتی ہے۔
مزید خبریں :
بھارتی فلم ’پشپا 2‘ کی وجہ سے انتہائی مطلوب گینگسٹر پکڑا گیا
23 دسمبر ، 2024
