Can't connect right now! retry

انٹرٹینمنٹ
03 اپریل ، 2021

کینسر میں مبتلا اداکارہ نائلہ جعفری نے مالی مدد کی درخواست کردی

فائل فوٹو

کینسر میں مبتلا معروف اداکارہ نائلہ جعفری نے دوبارہ نشر ہونے والے ڈراموں کا معاوضہ دینے کی درخواست کی ہے۔

سوشل میڈیا پر نائلہ جعفری کی ایک ویڈیو وائرل ہوئی ہے جس میں انہیں مالی مدد کا مطالبہ کرتے سنا جاسکتا ہے۔

نائلہ جعفری کا کہنا ہے کہ گزشتہ 6 سال سے کینسر جیسی بیماری میں مبتلا ہوں  اور دوسری کیمو تھراپی بھی نہیں ہوسکی ہے۔

انہوں نے کہا کہ ’مجھے انفیکشن کی وجہ سے اسپتال میں داخل کیا گیا تھا کہ پہلے انفیکشن کو کنٹرول کیا جاسکے اور ایک بات جو میں اس دوران سوچتی رہی وہ یہ کہ ہماری حکومت اور پالیسی ساز وں کو فن اور آرٹ سے متعلق لوگوں کا سوچنا چاہیے‘۔

اداکارہ کا کہنا تھا کہ ’جب میں نے پی ٹی وی جوائن کیا تو ہمیں دوبارہ نشر کیے جانے والے شوز کی رائیلٹی ملا کرتی تھی، اگرچہ یہ پیسے بہت کم ہوتے تھے لیکن اس کے باوجود ہمیں خوشی ہوتی تھی‘۔

انہوں نے مزید کہا کہ ’میں 6 سال سے بیمار ہوں، سب نے میرا  ساتھ دیا اور  مدد کی لیکن میں سوچتی ہوں کہ کاش جو ہمارے شو ری پلے ہورہے ہیں اگر ان شوز کا کچھ فیصد حصہ آج بھی ہمیں ملتا رہتا تو مجھ جیسے بہت سے لوگوں کو آسانی ہوسکتی تھی‘۔

اداکارہ نے اپنے ویڈیو بیان میں درخواست کرتے ہوئے کہا کہ ’میرا مطالبہ ہے آنے والے وقت میں اس حوالے سے کام کیا جائے کیونکہ یہ مجھ جیسے سینئر آرٹسٹ کے لیے بہت اچھا ہوگا جن کے  لیے بہت سی چیزیں مینیج کرنا بہت مشکل ہے‘۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM