جنوبی افریقا کے خلاف دوسرا ون ڈے، عبداللہ شفیق کے ڈیبیو کا امکان

جوہانسبرگ :پاکستان اور  جنوبی افریقا کے درمیان دوسرا ون ڈے میچ  آج کھیلا جائے گا۔

تین ایک روزہ میچوں کی سیریز کا دوسرا میچ آج جوہانسبرگ میں کھیلا جائے گا۔

 دوسرے ون ڈے میں عبداللہ شفیق کے ڈیبیو کا امکان ظاہر کیا جا رہا ہے، دوسری جانب آل راؤنڈر  حسن علی کی پلیئنگ الیون میں شمولیت بھی یقینی ہے۔

پہلا ون ڈے: پاکستان نے دلچسپ مقابلے کے بعد جنوبی افریقا کو ہرا دیا

جنوبی افریقا کی جانب سے دیا گیا 274 رنز کا ہدف پاکستان نے 50 ویں اوور کی آخری گیند پر پورا کیا۔

 آج محمد حسنین اور آصف علی کو ڈراپ کیے جانے کا امکان ہے۔

خیال رہے کہ  پاکستان نے جنوبی افریقا کے خلاف پہلا ون ڈے آخری گیند پر جیتا تھا، تین ایک روزہ میچوں کی سیریز میں پاکستان کو ایک صفر کی برتری حاصل ہے۔