حکومت کا چینی درآمدکرنےکیلیےتیسری بار ٹینڈر جاری کرنےکا فیصلہ

وزرات تجارت نے ٹریڈنگ کارپوریشن آف پاکستان  (ٹی سی پی)کو 50 ہزار میٹرک ٹن چینی درآمد کرنے کے لیے ٹینڈر جاری کرنے کی ہدایت کر دی ، ٹی سی پی مہنگی بولیوں کے باعث پہلے دو ٹینڈرز منسوخ کر چکا ہے ۔

ذرائع کے مطابق مہنگی چینی کے باعث درآمد کا عمل عارضی طور پر روک دیا گیا تھا ،اب حکومت کی طرف سے  چینی کی درآمد کے لیے دوبارہ عمل کا آغاز کر دیا گیا  ہے۔

لاہور میں دکانداروں نے چینی 85 روپےکلو فروخت کرنےکا حکم ہوا میں اُڑادیا

ضلعی انتظامیہ نے چینی کےسرکاری نرخ 85 روپے فی کلو مقرر توکر دیے تاہم شہر میں کہیں بھی چینی اس قیمت پر دستیاب نہیں۔

وزارت تجارت نے ٹریڈنگ کارپوریشن کو چینی کی درآمد کی ہدایت کردی ہے، ٹی سی پی کی جانب سے 50 ہزار ٹن چینی کا ٹینڈر کل دیے جانے کا امکان ہے ۔

ذرائع کے مطابق عالمی مارکیٹ میں چینی کی قیمتوں میں کمی دیکھی جارہی ہے اور حکومت کو نسبتاً کم ریٹ پر درآمدی چینی ملنے کی امید ہے ۔

ٹریڈنگ کارپوریشن 50 ہزار ٹن کے مسلسل دو ٹینڈر منسوخ کرچکا ہے ، آخری ٹینڈر میں ٹی سی پی کو 544.10 ڈالر فی ٹن کی بولی موصول ہوئی تھی ۔

ذرائع کے مطابق کم سے کم بولی کے تحت درآمدی چینی کراچی پورٹ پر 90 روپے کلو میں پڑتی ہے ۔