Can't connect right now! retry

دنیا
08 اپریل ، 2021

امریکا ایران پر عائد پابندیاں اٹھانے کیلئے تیار

فوٹو: فائل

امریکا نے عالمی طاقتوں کے ساتھ 2015 میں ہونے والے جوہری معاہدے میں ایران کی دوبارہ شمولیت کے لیے تہران پر عائد پابندیاں عارضی طور  پر اٹھانے کے لیے رضامندی ظاہر کی ہے۔

غیر ملکی میڈیا کے مطابق امریکی محکمہ خارجہ کا کہنا ہے کہ واشنگٹن ایران کے عالمی طاقتوں کے ساتھ 2015 میں ہونے والے جوہری معاہدے پر عمل درآمد کے لیے تہران پر  عائد پابندیاں عارضی طور پر اٹھانے کے لیے تیار ہے۔

ترجمان امریکی محکمہ خارجہ نیڈ پرائس نے پابندیاں ہٹانے سے متعلق کسی قسم کی وضاحت نہیں کی تاہم صحافیوں سے گفتگو کرتے ہوئے ان کا کہنا تھا میں ابھی اس پوزیشن میں نہیں ہوں کہ بتا سکوں کہ اٹھائی جانے والی پابندیاں کون سی ہوں گی۔

خیال رہے کہ گزشتہ روز بھی یورپی وفد کی سربراہی میں ویانا میں ایران اور عالمی طاقتوں کے درمیان جوہری معاہدے کے حوالے سے مذاکرات ہوئے تھے جنہیں ایران اور روسی مندوبین نے مثبت پیشرفت قرار دیا تھا۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM