16 اپریل ، 2021 
کھیل
آئی سی سی نےبھارتی بورڈ کو ویزوں سے متعلق معاملے کے حل کے لیے ایک ماہ کی مہلت دی تھی— فوٹو: فائل
ٹی ٹوئنٹی ورلڈکپ کیلئے بھارت نے پاکستان ٹیم کو ویزے دینے کی منظوری دے دی
16 اپریل ، 2021
آئی سی سی ٹی ٹوئنٹی ورلڈکپ کیلئے بھارت نے پاکستان ٹیم کو ویزے دینے کی منظوری دے دی۔
بھارتی میڈیا کے مطابق پاکستانی کرکٹ شائقین کو ویزے دینے کا فیصلہ بعد میں ہو گا۔
آئی سی سی نےبھارتی بورڈ کو ویزوں سے متعلق معاملے کے حل کے لیے ایک ماہ کی مہلت دی تھی۔
آئی سی سی ٹی ٹوئنٹی ورلڈ کپ رواں سال اکتوبر میں بھارت میں شیڈول ہے ، پاکستان کرکٹ بورڈ کے چیئرمین احسان مانی نے ویزوں کے اجراء کے معاملے پر تحفظات کا اظہار کرتے ہوئے گزشتہ ماہ آئی سی سی کو خط لکھا تھا۔
خط میں کہا گیا تھاکہ اگر بھارتی کرکٹ بورڈ، پاکستانی ٹیم، میڈیا اور شائقین کیلئے ویزا کی آسانیاں پیدا نہیں کرتا اور تحریری یقین دہانی نہیں کرواتا تو ٹورنامنٹ متحدہ عرب امارت منتقل کردیا جائے۔
مزید خبریں :
لاہور قلندرز نے ڈیرن گوف کو ہیڈ کوچ مقررکردیا
01 نومبر ، 2024
ورلڈ اسنوکر چیمپئن شپ، آصف نے فیصلہ کن راؤنڈ میں جگہ بنالی
01 نومبر ، 2024
