خبردار :’واٹس ایپ اسٹیٹس کی خرابی ہیکرز کو ٹریک کی اجازت دے سکتی ہے‘

18 اپریل ، 2021

واٹس ایپ میں ایک ایسی خرابی سامنے آئی ہے جس کے ذریعے سائبر کرمنلز یا ہیکرز اسٹیٹس ٹریکر فیچر کا استعمال کر تے ہوئے آن لائن صارفین کو ٹریک کر سکتے ہیں۔

غیر ملکی میڈیا رپورٹس کے مطابق سائبر سکیورٹی فرم ٹریسڈ (Traced) نے متعدد ویب سروسز سمیت کئی ایسے اینڈرائڈ اور آئی فون دریافت کیے ہیں جو ہیکرز (cyberstalker)کو صارف کے واٹس ایپ پر ایکٹو ہونے پر مطلع کرتے ہیں جس کے ذریعے تھرڈ پارٹی صارف کی رضامندی کے بغیر اس کے اسٹیٹس کو مانیٹر کر سکتی ہے۔

کمپنی کی جانب سے جاری ایک بلاگ پوسٹ میں کہا گیا ہے کہ آپ کوئی بھی موبائل نمبر درج کر سکتے ہیں اور اگر وہ شخص واٹس ایپ استعمال کرتا ہے تو اسٹیٹس ٹریکر (فیچر) صارف کا واٹس ایپ استعمال کرنے کا صحیح وقت اور تاریخ فراہم کرے گا۔

یہ بھی پڑھیں

ٹریسڈ نے انکشاف کیا ہے کہ اگرچہ ایسی ایپس اس لیے متعارف کروائی جاتی ہیں کہ صارف کب آن لائن ہوتا ہے تاہم سائبر کرمنل اس ایپ کا غلط فائدہ اٹھا سکتے ہیں۔

دیگر خصوصیات کے برعکس واٹس ایپ کی جانب سے اس فیچر کو غیر فعال کرنے کے حوالے سے اب تک کوئی قدم نہیں اٹھایا گیا ہے جو صارف کے آن لائن اسٹیٹس کو ظاہر کرتے ہوئے سائبر حملہ آوروں کو حملے کا موقع دے سکتا ہے۔

غیر ملکی میڈیا رپورٹ کے مطابق کچھ اسٹیٹس ٹریکر ایسے بھی دریافت ہوئے ہیں جو ایک ساتھ دو واٹس ایپ نمبر درج کرنے کا آپشن دیتے ہیں جس سے یہ تصور کرنے میں مد ملتی ہے کہ آیا دونوں صارف کسی خاص وقت پر ایک دوسرے سے رابطے میں ہیں۔