پمز انتظامیہ نے آکسیجن پریشر برقرار رکھنے کیلئے طے شدہ آپریشن روک دیے

پاکستان انسٹیٹیوٹ آف میڈیکل سائنسز (پمز) اسپتال اسلام آباد میں کورونا مریضوں کیلئے آکسیجن پریشر برقرار رکھنے کیلئے سرجری روکنے کا فیصلہ کیا ہے۔

اسپتال انتظامیہ کے مطابق کورونا مریضوں کے باعث پمز اسپتال پر پریشر بڑھ گیا ہے جبکہ کورونا مریضوں کیلئے آکسیجن پریشر برقرار رکھنے کیلئے سرجری روکنے کافیصلہ کیا گیا ہے۔

پمز اسپتال اسلام آباد کے آئی سی یو کو آکسیجن پریشر میں کمی کا سامنا

پریشر کو بڑھانے کے لیے اقدامات کیے جا رہے ہیں، پمزمیں اس وقت کورونا کے پانچ مریض وینٹی لیٹرز پرہیں، ایگزیکٹو ڈائریکٹر پمز منہاج السراج

اسپتال انتظامیہ نے بتایا کہ ایسے آئی سی یونٹ کو بھی آکسیجن سپلائی بند کردی گئی جہاں مریض موجود نہیں جبکہ پمز اسپتال میں تمام طے شدہ آپریشن کو فی الحال روک دیا گیا ہے، پمز میں صرف ایمرجنسی میں آپریشن کیے جائیں گے۔

اسپتال انتظامیہ کے مطابق طے شدہ سرجری روکنے کا مقصد کورونا مریضوں کیلئے آکسیجن پریشر برقراررکھنا ہے، اسپتال کی یومیہ آکسیجن سپلائی 7 ہزار لیٹر تک کر دی گئی ہے۔

اسپتال انتظامیہ کا کہنا ہے کہ پمزاسپتال میں گزشتہ رات کورونا مریضوں کیلئے مختص وینٹی لیٹرزکا آکسیجن پریشرکم ہواتھا۔