Can't connect right now! retry

پاکستان
20 اپریل ، 2021

شاہد خاقان ایک جوتا ماریں گے تو دوسری طرف سے 100 جوتے مارے جائیں گے، فواد چوہدری

وفاقی وزیر برائے اطلاعات ونشریات فواد چوہدری نے سابق وزیراعظم شاہد خاقان عباسی کو اسپیکر قومی اسمبلی اسد قیصر سے ہونے والی تلخ کلامی پر تنقید کا نشانہ بنایا ہے۔

فواد چوہدری کا کہنا تھاکہ شاہد خاقان عباسی نے اسپیکر کے بارے میں جو بات کی اس کی مذمت کرتے ہیں، بدقسمتی ہے کہ ایسے لوگ بھی وزیراعظم رہے، یہ انتہا پسندی آپ لوگوں کے دور کی دی ہوئی ہے۔

انہوں نے کہا کہ شاہد خاقان عباسی، احسن اقبال یا فضل الرحمان ان سب کا مسئلہ اسلام نہیں بلکہ اسلام آباد ہے، انھوں نے ہر حربہ آزمالیا لیکن ان سے حکومت نہیں گری، اگر پارلیمنٹ کو اکھاڑا بنائیں گے تو اصلاحات کیسے آئیں گی۔

وفاقی وزیر کا کہنا تھاکہ شاہد خاقان ایک جوتا ماریں گے تو دوسری طرف سے 100 جوتے مارے جائیں گے۔

خیال رہے کہ قومی اسمبلی کے خصوصی اجلاس میں ن لیگ کے سینیئر نائب صدر و سابق وزیراعظم شاہد خاقان عباسی اور اسپیکر اسد قیصر کے درمیان تلخ جملوں کا تبادلہ ہوا۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM