26 اپریل ، 2021 
’خدا اور محبت 3‘میں اگر انگوٹھی پہننا بھی بھول جاتی تو سین دوبارہ شوٹ ہوتا تھا: سنیتا
26 اپریل ، 2021
جیو ٹی وی کے ڈرامہ سیریل ’خدا اور محبت‘ کے سیزن 3 نے مقبولیت کے تمام ریکارڈ توڑ ڈالے ہیں۔
جہاں ڈرامہ اپنی کہانی اور کاسٹ کی بدولت مداحوں کے دل میں گھر کر چکا ہے وہیں ڈرامے میں موجود ہر سین کے حوالے سے مداحوں میں خاصا تجسس پایا جاتا ہے۔
اداکارہ سنیتا مارشل کے ڈرامے میں سسر کے ساتھ فلمائے گئے سین سمیت کچھ سین میں سر پر دوپٹا رکھنے سے متعلق سوالات کیے جارہے تھے۔
تاہم اب اداکارہ نے اس حوالے سے ایک ویب انٹرویو میں انکشاف کیا کہ یہاں ہم سے غلطی ہوئی، مجھے اور ہدایت کار کو اس بات کا اندازہ بعد میں ہوا۔
سنیتا مارشل نے ہدایت کار کی تعریف کرتے ہوئے کہا کہ ہدایت کار ڈرامے کے ہر کردار حتیٰ کپڑے، جیولری ،جوتوں اور انگوٹھیوں کو لے کر بھی کافی حساس تھے، اگر میں دوران شوٹنگ کوئی انگوٹھی پہننا بھول جاتی تو ہدایت ڈرامے کا سین دوبارہ شوٹ کرواتے۔
خیال رہے کہ جیو انٹرٹینمنٹ پر سیونتھ اسکائے انٹرٹینمنٹ کے تحت پیش کیا جانے والا ڈرامہ سیریل خدا اور محبت‘ کے سیزن تھری کی پہلی قسط گزشتہ ماہ 12 فروری کو نشر کی گئی تھی۔
ڈرامہ سیریل ’خدا اور محبت' کے تیسرے سیزن میں معروف اداکار فیروز خان اور اداکارہ اقرا عزیز مرکزی کردار اداکررہے ہیں۔
مزید خبریں :
سائرہ بانو نے اے آر رحمان سے علیحدگی پر خاموشی توڑ دی
24 نومبر ، 2024
شوہر سے طلاق کا تعلق اے آر رحمان سے ہے؟ گٹارسٹ نے خاموشی توڑ دی
22 نومبر ، 2024
