عید کے موقع پر قیدیوں کی سزا میں 30 روز کی معافی کی درخواست
26 اپریل ، 2021
عید کے موقع پر قیدیوں کی سزا میں 30 روز کی معافی کی سمری وفاقی کابینہ کو ارسال کر دی گئی ہے۔
وزارت داخلہ کی جانب سے وفاقی کابینہ کو بھجوائی گئی سمری میں عید الفطر کے موقع پر قیدیوں کی سزا میں 30 روز کی معافی کی درخواست کی گئی ہے۔
وفاقی کابینہ کی منظوری کے بعد سمری صدر مملکت کو بھجوائی جائے گی۔
وزارت داخلہ کے مطابق دہشت گرد اور قتل سمیت سنگین نوعیت کے مقدمات کے قیدیوں کے لیے یہ رعایت نہیں ہو گی، 65 سال سے زائد عمر کے معمولی جرائم میں مرد قیدی رعایت کے مستحق ہوں گے۔
وزارت داخلہ کا کہنا ہے کہ معمولی جرائم میں قید 60 سال کی خواتین اس رعایت کی مستحق ہوں گی تاہم کرپشن کیسز میں سزا یافتہ قیدیوں کو بھی رعایت نہیں ملے گی۔
