انخلاء کے دوران طالبان حملے نہ کریں ورنہ جوابی کارروائی کریں گے، جنرل میکنزی

امریکی فوج کی سینٹرل کمانڈ کے سربراہ جنرل کیتھ ایف میکنزی نے کہا ہے کہ افغانستان سے امریکا کے نکلنے کے بعد دباؤ برقرار نہ رکھا گیا توالقاعدہ اور داعش دوبارہ منظم ہو سکتی ہیں۔

اپنے بیان میں انہوں نے کہا کہ طالبان نے یقین دہانی کرائی ہے کہ وہ ان تنظیموں کو افغانستان کی سرزمین استعمال نہیں کرنےدیں گے، طالبان انخلاء کے دوران امریکی فوج پر حملے نہ کریں ورنہ جوابی کارروائی کریں گے۔

غیرملکی فورسز نے افغانستان سے انخلا کے اقدامات شروع کردیے

غیرملکی فورسز کے انخلا کے دوران ملٹری اور دیگر مشینری کا تحفظ کیا جائے گا، امریکی کمانڈر جنرل ملر

ان کا کہنا تھا کہ امریکی انخلاء کے بعد سب سے بڑا خطرہ القاعدہ اور داعش جیسے گروپس کے دوبارہ منظم ہونے کا ہوگا، اگر ان پر دباؤ برقرار نہ رکھا گیا تو وہ دوبارہ متحرک ہوسکتےہیں اور یہ پڑوسی ممالک خاص طور پر پاکستان کیلئے سب سے بڑی تشویش کی بات ہوگی۔

خیال رہے کہ امریکا اور نیٹو اتحادی ملکوں نے افغانستان سے مزید فوجیں نکالناشروع کردی ہیں۔

افغانستان میں غیرملکی فورسز کے امریکی کمانڈر جنرل اسکاٹ ملر نے کہا ہے کہ فوجی انخلا کیلئے اقدامات شروع کردیے گئے ہیں اور فوجی اڈے اور آلات افغان فورسز کے حوالے کرنے کا آغاز ہوگیا ہے۔

ملر کا کہنا تھا کہ فورسز کے مکمل انخلا پر فوجی اڈے ابتدائی طور پرافغان وزارت دفاع اوردیگر افغان فورسز کے حوالے کردیں گے۔