07 مئی ، 2021
اگرچہ بالی وڈ اسٹار سیف علی خان اور ان کی اہلیہ کرینہ کپور ایک عالیشان گھر کے مالک ہیں لیکن اس کے باوجود کرینہ بالی وڈ کنگ شاہ رخ خان کے لندن میں مقیم گھر کے اپنا ہونے کی خواہش کا اظہار کرچکی ہیں۔
بھارتی میڈیا کے مطابق ماضی میں کرینہ سے ایک انٹرویو کے دوران چند بالی وڈ شخصیات کے نام دے کر پوچھا گیا کہ وہ ان میں سے ہر ایک سے کیا خواہش کریں گی۔
کرینہ نے شاہ رخ خان کے نام پر خواہش کا اظہار کرتے ہوئے بتایا کہ وہ شاہ رخ کے لیے ان کےلندن میں واقع گھر کی خواہش کریں گی۔
اداکارہ نے دیر بالی وڈ شخصیات سے متعلق اپنی خواہشات کا ذکر کرتے ہوئے بتایا کہ سلمان خان سے ان کے مداح اور اداکارہ پریانکا چوپڑا سے ان کی آواز کی خواہش کروں گی کیوں کہ پریانکا کی آواز بہت پیاری ہے۔
کرینہ کپور نے مزید کہا دیپیکا سے ان کی مسکراہٹ چاہوں گی کیوں کہ دیپیکا کی مسکراہٹ بہت خوبصورت ہے جب کہ عالیہ فن کا مجموعہ ہےلہٰذا عالیہ سے کچھ بھی لینے پر کوئی اعتراض نہیں ہے۔
اپنے شوہر اور اداکار سیف علی خان سے متعلق کرینہ کا کہنا تھا میرے پاس سب کچھ ہے لیکن میں سیف سے ان کا دماغ چاہوں گی کیوں کہ جس طرح سیف چیزوں کو جذب کرتے ہیں وہ واقعی ذہین ہیں۔