غزہ پر اسرائیلی حملوں کی پاکستان کی جانب سے شدید مذمت

پاکستان نے غزہ پر اسرائیلی فضائی حملوں کی مذمت کرتے ہوئےکہا ہےکہ نہتے فلسطینیوں پر اسرائیلی حملے انسانی حقوق و عالمی قوانین کی خلاف ورزی ہیں۔

ترجمان دفتر خارجہ کا کہنا ہےکہ غزہ پر اسرائیلی حملوں میں بچوں سمیت متعدد معصوم فلسطینی شہید اور زخمی ہوئے، مسجد اقصٰی میں اورباہرحملوں کے بعد ماہ مقدس میں یہ ایک اورقابل مذمت اقدام ہے۔

عید سے پہلے فلسطینیوں پراسرائیل نے قیامت ڈھادی، بمباری میں 28 افراد شہید

130 حملوں میں کئی رہائشی عمارتیں نشانہ بنیں،خوف سے سہمے لوگ جان بچانے کے لیے ادھر ادھر بھاگتے رہے، حملوں میں حماس کے 15 کمانڈرز بھی مارے گئے

ترجمان کا کہنا ہے کہ نہتے فلسطینیوں پراسرائیلی حملے انسانی حقوق وعالمی قوانین کی خلاف ورزی ہیں،عالمی برادری معصوم فلسطینیوں پر مظالم بند کروانے میں کردار ادا کرے۔

ترجمان دفتر خارجہ کا کہنا ہےکہ خطے میں امن کےلیے آزاد،خود مختار فلسطینی ریاست کا قیام ضروری ہے۔