24 مئی ، 2021 
پاکستان
شکارپور میں پولیس اہلکاروں کی شہادت،ڈاکوؤں کی سہولت کاری کے الزام میں کراچی سےگرفتاریاں
24 مئی ، 2021
شکارپور میں کچے کے علاقے میں ڈاکوؤں کے حملے میں پولیس اہلکاروں کی شہادت اور زخمی ہونےکے بعد کراچی سے تیغانی قبیلےکے سردار تیغو خان، 2 بیٹےاور 2 بھانجے گرفتار کرلیےگئے۔
پولیس کے مطابق سردار تیغوخان کو ڈاکو بیلو تیغانی اور خیرو تیغانی کو سہولت کاری پر حراست میں لیا گیا ہے۔
ڈی آئی جی لاڑکانہ ناصر آفتاب کے مطابق تیغو خان کو گلستان جوہر سے گرفتار کیا گیا، تیغو خان کے بیٹے اور دیگر افراد کو بھی گرفتار کیا گیا ہے، تفتیش کے لیےگرفتار افراد کو شکار پور منتقل کیا جائے گا۔
دوسری جانبسکھر کے ریجنل پولیس آفیسر کامران فضل نےکہا ہےکہ کچے میں جاری آپریشن کے دوران اب تک 8 ڈاکو ہلاک اور 12 زخمی ہوئے ہیں جب کہ دو پولیس اہلکار سمیت 3 شہید اور چار زخمی ہوئے ہیں ۔
