دلہن سے شادی کی رات اجتماعی زیادتی، تاحال کوئی گرفتاری نہ ہوسکی
29 مئی ، 2021
ملتان کی تحصیل شجاع آباد میں دلہن سے شادی کی رات اجتماعی زیادتی کے واقعے پر کسی ملزم کو اب تک گرفتار نہیں کیا جا سکا، سٹی پولیس آفیسر منیر مسعود مارتھ کا کہنا ہے کہ یہ کہنا بالکل غلط ہے کہ واقعہ ذاتی نوعیت کا ہے کیوں کہ اجتماعی زیادتی ثابت ہوئی ہے۔
ملتان کی تحصیل شجاع آباد میں دلہن کے ساتھ اجتماعی زیادتی کے واقعے میں ابھی تک تفتیش میں کسی ملزم کو گرفتار نہیں کیا گیا۔
سی پی او منیر مسعود مارتھ نے جیو نیوز سے ٹیلی فونک گفتگو کرتے ہوئے کہا کہ پولیس ہر پہلو سے تفتیش کر رہی ہے، یہ کہنا ابھی تک بلکل غلط ہے کے یہ واقعہ ذاتی نوعیت کا ہے، ابھی تک دلہن کا مؤقف ہی سچ ثابت ہو رہا ہے کہ اجتماعی زیادتی ہوئی ہے اور میڈیکل رپورٹ بھی اس بات کو ثابت کر رہی ہے۔
انہوں نے کہا کہ تفتیش جاری ہے ابھی تک کسی بھی نتیجے پر نہیں پہنچ سکے، تین ٹیمیں اس کیس کی تحقیقات کر رہی ہیں۔
