صحافی اسد طور کیخلاف کارروائی کیلئے ایف آئی اے میں درخواست دائر

سینیئر صحافی اسد طور کے خلاف وفاقی تحقیقاتی ادارے (ایف آئی اے)  میں درخواست دائر کردی گئی۔

راولپنڈی کے شہری نے درخواست ڈائریکٹر سائبر کرائمز ایف آئی اے کو دی جس میں مؤقف اختیار کیا گیا ہے کہ 27 مئی کو سوشل میڈیا پر اسد طور کی ویڈیو دیکھی۔

آئی ایس آئی نے صحافی اسد طور پر تشدد سے مکمل لاتعلقی ظاہر کی ہے، وزارت اطلاعات

آئی ایس آئی اس سلسلے میں تفتیشی اداروں سے مکمل تعاون کرے گی، وزارت اطلاعات کا اعلامیہ

درخواست گزار کے مطابق ویڈیو میں ہمارے معزز اداروں پر الزامات لگائے گئے،  یہ شخص خاص ایجنڈے اور سازش کے تحت اداروں پر الزامات لگا رہا ہے۔

درخواست  میں کہا گیا ہے کہ اسد طور کے خلاف قانونی کارروائی اور یو ٹیوب چینل بند کیا جائے۔

خیال رہے کہ گزشتہ دنوں اسلام آباد میں نامعلوم افراد نے صحافی اور بلاگر اسد طور کو گھر میں گھس کر تشدد کا نشانہ بنایا تھا۔