31 مئی ، 2021 
پاکستان
پشاور: احتجاج کرنیوالے یونیورسٹی ملازمین پر پولیس کا لاٹھی چارج، متعدد گرفتار
31 مئی ، 2021
پشاور میں اسمبلی چوک پر یونیورسٹی ملازمین پر پولیس نے شیلنگ اور لاٹھی چارج کرتے ہوئے 10 سے زائد افراد کو گرفتار کرلیا۔
پشاور کی جامعات کے ملازمین نے مطالبات کے حق میں اسمبلی چوک پہنچ کر خیبر روڈ کو دونوں اطراف سے بند کردیا۔
مظاہرین کو منتشر کرنےکے لیے پولیس نے لاٹھی چارج کیا اور آنسو گیس کی شیلنگ بھی کی، اس دوران 10 سے زائد مظاہرین کو گرفتار بھی کرلیا گیا۔
پولیس کے مطابق مظاہرین کے منتشر ہونے پر خیبر روڈ کو ٹریفک کے لیےکھول دیا گیا۔
ایس ایس پی آپریشنز یاسر آفریدی کا کہنا ہے کہ پرامن احتجاج شہریوں کا حق ہے لیکن احتجاج سے شہریوں کو تکلیف ہو تو قانون حرکت میں آئےگا،ایکشن لیکر احتجاج کو ختم کردیا ہےاور ٹریفک بحال کردی ہے۔
