02 جون ، 2021 
پاکستان
دو دن کی دلہن کو سسرال میں فائرنگ کرکے زخمی کردیا گيا
02 جون ، 2021
رحیم یار خان میں دو دن کی دلہن کو سسرال میں فائرنگ کرکے زخمی کردیا گيا۔
شوہر اور سسرال والوں نے مبینہ طور پر دو دن کی دلہن پر تشددکیا اور فائرنگ کرکے زخمی کردیا۔
پولیس کے مطابق دلہن پر قاتلانہ حملے اورتشددکرکے زخمی کرنے کا واقعہ تھانہ بی ڈویژن کے علاقے میں پیش آیا۔
پولیس کاکہناہے کہ لڑکے اور لڑکی کاتعلق ایک ہی خاندان سے ہے۔ پولیس کا دعویٰ ہے کہ شوہر اور سسرال والوں نےمبینہ طورپرلڑکے سے دوستی کے الزام میں دلہن کو تشدد کا نشانہ بنایا اور گولی ماراسے زخمی کردیا۔
ملزمان گھر چھوڑ کر فرار ہوگئے ہیں جبکہ زخمی دلہن کو شیخ زاید اسپتال منتقل کردیاگیاہے۔
زخمی دلہن نے اپنے بیان میں کہاہے کہ سسرال والوں نے جھوٹا الزام عائد کیا ہے۔
