’اماں جی!کچھ بھی جاننے سے پہلےکسی کو نہ پرکھیں ‘

پاکستانی ماڈل اور ٹک ٹاکر جنت مرزا نے سینئر اداکارہ بشریٰ انصاری کی تنقید پر سخت رد عمل کا اظہار کردیا ۔

سوشل میڈیا پلیٹ فارم انسٹاگرام اسٹوری پر جنت مرزا نے اسٹوری شیئر کرتے ہوئے سینئر اداکارہ کو جواب دیتے ہوئے لکھا کہ اماں جی! آپ کچھ بھی جاننے سے کسی کو نہیں پرکھ سکتیں۔

جنت مرزا نے لکھا کہ میں آپ کی بہت عزت کرتی ہوں لیکن آپ حقائق جانے بغیر کسی کو بدنام نہیں کرسکتیں۔

ٹک ٹاکر نے انسٹاگرام اسٹوری میں بشریٰ انصاری سے مخاطب ہوتے ہوئے سوال کیا کہ اسلام کی بات آپ کیسے کرسکتی ہیں آنٹی،آپ کوئی تبلیغی جماعت نہیں چلارہیں۔

'ان جاہلوں کو اسلام کا پتہ ہے نہ کسی اور مذہب کا ‘ بشریٰ انصاری جنت مرزا پر برہم

پاکستان کی معروف ٹک ٹاکر جنت مرزا کوحالیہ ویڈیو وائرل ہونے کے بعد شدید تنقید سمیت مقدمے کا سامنا کرنا پڑا ہے۔

جنت مرزا نے لکھا کہ آپ خود بھی گلوکاری کرتی ہیں ڈانس کرتی ہیں ایوارڈ شو پر ڈانس آپ نے کیا اور آج دوسروں پر تنقید واہ،آج احساس ہوا کہ واقعی آپ کے پاس دل ہی نہیں ہے۔

انھوں نے لکھا کہ میں بس اتنا کہوں گی کسی پر تنقید کرنے سے پہلے اپنے گریبان میں ضرور جھانک لیں ، کبھی کسی پر لعنت اور کبھی کسی کو بددعا کہ اللہ کرے تو مرجائے یہ سب ٹھیک نہیں ہے۔

جنت مرزا نے مزید لکھا کہ وقت نکال کر پہلے حقیقت جانیے پھر تنقید کیجیے گا۔

خیال رہے کہ  سینئر اداکارہ بشریٰ انصاری نے ٹک ٹاک اسٹار جنت مرزا  کی حالیہ ویڈیو وائرل ہونے کے بعد ان پر خفگی کا اظہار کرتے  ہوئے انھیں جاہل اسٹار قرار دیا تھا اور کہا تھا کہ انھیں نہ اسلام کا پتہ ہےنہ کسی اور مذہب کا۔