08 جون ، 2021 
پاکستان
فوٹو: فائل
این سی او سی کا وفاقی ملازمین اور ان کے اہلخانہ کی ویکسینیشن سے متعلق اہم فیصلہ
08 جون ، 2021
نیشنل کمانڈ اینڈ آپریشن سینٹر (این سی او سی) نے وفاقی ملازمین اور ان کے اہلخانہ کی ویکسینیشن سے متعلق اہم فیصلہ کرلیا۔
ذرائع کے مطابق وفاقی ملازمین اور ان کے اہلخانہ کی فوری کورونا ویکسینیشن کے لیے ہدایات جاری کردی گئی ہیں۔
این سی او سی نے وفاقی سیکرٹریز کو سرکاری ملازمین کی ویکسینیشن کی ذمہ داری سونپ دی ہے۔
ذرائع کا کہنا ہےکہ وفاقی سیکرٹریز متعلقہ وزارتوں کے ملازمین و اہلخانہ کی ویکسینیشن کے ذمہ دار ہوں گے جب کہ وفاقی ملازمین خود اور اہلخانہ کا ویکسینیشن سرٹیفکیٹ وزارت میں جمع کرانے کے پابند ہوں گے۔
ذرائع کے مطابق وفاقی سیکرٹریز این سی او سی کو ملازمین کی ویکسینیشن کی تفصیلات سے متعلق آگاہ کریں گے۔
