براڈ شیٹ کو پاکستان سے ملنے والے 29 ملین ڈالر پر امریکی کمپنی کا دعویٰ خارج

امریکی جج نے برطانوی فرم براڈ شیٹ کے 29 ملین ڈالر پر امریکی کمپنی ہیج فنڈ وی آر گلوبل پارٹنر کا دعویٰ خارج کردیا۔

امریکی کمپنی ہیج فنڈ وی آر گلوبل پارٹنر نے براڈ شیٹ کے خلاف امریکا اور ’ آئیل آف مین‘(برطانوی خودمختار جزیرہ) میں کیس کیے تھے۔

براڈ شیٹ کیس: برطانوی فرم نے پاکستان سے 29 ملین ڈالر ملنے کی تصدیق کر دی

برطانوی فرم براڈشیٹ نے پاکستان حکومت سے بقیہ رقم کا بھی مطالبہ کر دیا ہے

ہیج فنڈ وی آر گلوبل پارٹنر نے براڈ شیٹ کے خلاف امریکا اور آئل آف مین میں کیس کیے تھے اوربراڈ شیٹ کو پاکستان سے ملنے والے 29 ملین ڈالر پر اپنا حق جتانے کی کوشش کی تھی،امریکی جج نے براڈ شیٹ کے 29 ملین ڈالر پر ہیج فنڈ کا دعوٰی خارج کردیا جب کہ براڈ شیٹ اور وی آر گلوبل کے درمیان آئیل آف مین میں تنازع ابھی عدالت میں ہے۔

رپورٹس کے مطابق  وی آر گلوبل نے براڈ شیٹ کے وکلاء کو پاکستان پرکیس کے لیے 6 ملین ڈالر دیے تھے۔

وی آرگلوبل کا کہنا ہے کہ براڈ شیٹ نے ہرجانے کی رقم مخصوص اکاؤنٹ میں نہ رکھ کر معاہدے کی خلاف ورزی کی ہے۔