مسجدالحرام اور مسجد نبویؐ میں آب زم زم اب روبوٹ پیش کریں گے

عالمی وبا کورونا کے خلاف اقدامات کے پیش نظر مسجد الحرام اور مسجد نبویؐ میں آنے والے زائرین کے لیے اسمارٹ روبوٹ متعارف کروادیے گئے۔

غیر ملکی میڈیا کے مطابق مسجد الحرام اور مسجد نبویؐ کے صدر جنرل افیئر شیخ ڈاکٹر عبد الرحمان السدیس نے حال ہی میں اسمارٹ روبوٹ کا افتتاح کیا جو کہ مسجد الحرام اور مسجد نبویؐ میں آنے والے افراد کو آب زم زم کی بوتلیں تقسیم کریں گے۔

اسمارٹ روبوٹ کے افتتاح کے موقع پر عبدالرحمان السدیس کی جانب سے کورونا وبا کے دوران انسانیت کی خدمت کے لیے جدید ٹیکنالوجی کو بروئے کار لانے کی اہمیت پر بھی زور دیا گیا۔

اسمارٹ روبوٹ  مقدس مساجد میں انسانی مداخلت اور نقل وحرکت متاثر کیے بغیر زائرین میں آب زم زم پیش کریں گے۔

خیال رہے کہ اس سے قبل سعودی وزارت حج کی جانب سے رواں سال حج سے متعلق بھی اہم اعلان سامنے آچکا ہے۔

سعودی وزارت حج کے اعلان کے مطابق  رواں برس صرف 60 ہزار افراد کو حج کرنے کی اجازت ہوگی اور ان تمام افراد میں سعودی عرب کے شہری اور ملک میں رہنے والے غیر ملکی شامل ہوں گے۔

رواں سال بھی صرف سعودی شہری اور سعودیہ میں مقیم غیر ملکی حج کرسکیں گے

دیگر ممالک کے شہریوں کو رواں برس حج کے لیے آنے کی اجازت نہیں ہوگی، حجاج کی تعداد 60 ہزار تک محدود، کورونا ویکسی نیشن ضروری ہوگی

اس بار حج اخراجات گزشتہ سال سے کافی بڑھ جائیں گے: طاہر اشرفی

سعودی وزارت صحت کی حتمی ہدایات آنے پر وزارت مذہبی امور تفصیلات بتائے گی: نمائندہ خصوصی وزیراعظم