جلیل شرقپوری نے نواز شریف کی وطن واپسی کا مطالبہ کردیا

لاہور: مسلم لیگ (ن) کے ناراض ایم پی اے میاں جلیل شرقپوری نے سابق وزیراعظم نوازشریف کی وطن واپسی کا مطالبہ کیاہے ۔

ایک بیان میں میاں جلیل شرقپوری نے کہا کہ (ن) لیگ سے اختلاف کے باعث اسمبلی میں ان کے ساتھ نہیں بیٹھ سکتے، ایوان میں حکومتی اوراپوزیشن ارکان کے درمیان حق پرستوں کی نشستیں ہونی چاہئیں۔

انہوں نے مطالبہ کیا کہ سابق وزیراعظم میاں نوازشریف کو واپس آنا چاہیے۔

خیال رہے کہ اس سے قبل  رکن پنجاب اسمبلی جلیل شرقپوری کی جانب سے  الگ نشستوں کے لیے بھی درخواست جمع کرائی گئی ہے۔

(ن) لیگ کے ناراض رکن جلیل شرقپوری نے الگ نشستوں کیلئے درخواست دیدی

جلیل شرقپوری نے اپنی اور ہم خیال لیگی ارکان کی الگ نشستوں کے لیے درخواست اسپیکر کو جمع کرائی ہے۔

پارٹی کو پارٹی رہنے دیں، خاندانی جاگیر نہ بنائیں، معطل ن لیگی جلیل شرقپوری

نواز شریف کی بات سے اختلاف کیا ہے کوئی آئین تو نہیں توڑا، پارٹی کی طرف سے جاری نوٹس کی کوئی قانونی اور اخلاقی حیثیت نہیں ہے، جلیل شرقپوری