19 جون ، 2021 
پاکستان
مستونگ میں اسکول وین پر نامعلوم افراد کی فائرنگ، 4 خواتین اساتذہ زخمی
19 جون ، 2021
بلوچستان کے ضلع مستونگ میں اسکول وین پر نامعلوم افراد کی فائرنگ میں 4 خواتین اساتذہ زخمی ہوگئیں جن میں سے 2 کی حالت تشویشناک ہے۔
پولیس کے مطابق مستونگ کے علاقے پڑنگ آباد میں خواتین اساتذہ کی اسکول وین پر نامعلوم افراد نے فائرنگ کر دی جس کے نتیجے میں فائرنگ سے 4 خواتین اساتذہ زخمی ہوگئیں جبکہ ملزمان موقع سے فرار ہو گئے۔
پولیس نے بتایا کہ اسکول وین پر فائرنگ اس وقت کی گئی جب اساتذہ دشت بابا اسکول میں ڈیوٹی کے بعد واپس آرہی تھیں۔
پولیس کے مطابق زخمی خواتین اساتذہ کو نواب غوث بخش رئیسانی میموریل اسپتال منتقل کیا گیا جہاں دو اساتذہ کی حالت تشو یشنا ک ہے۔
واقعے کے بعد لیویز حکام نے جائے وقوعہ پر پہنچ کر علا قے کی ناکہ بندی کردی ہے۔
