20 جون ، 2021 
رضوان نے کیلنڈر ایئر میں 1000 ٹی ٹوئنٹی رنز مکمل کر لیے
20 جون ، 2021
پاکستان کرکٹ ٹیم کے وکٹ کیپر بیٹسمین محمد رضوان نے سال 2021 میں ایک ہزار ٹی ٹوئنٹی رنز مکمل کر لیے، وہ ایک کلینڈر سال میں ہزار ٹی ٹوئنٹی رنز بنانے والے ساتویں پاکستانی کرکٹر ہیں۔
29 سالہ محمد رضوان نے پی ایس ایل 6 کے آخری لیگ میچ میں 26 رنز کی اننگز کھیلی جس کے ساتھ وہ سال 2021 میں ایک ہزار ٹی ٹوئنٹی رنز مکمل کرنے والے پہلے بیٹسمین بن گئے، محمد رضوان نے اس سال اب تک مجموعی طور پر 20 ٹی ٹوئنٹی میچز کھیلے ہیں۔
محمد رضوان ایک کیلنڈر سال میں ہزار رنز ٹی ٹوینٹی رنز بنانے والے ساتویں پاکستانی بیٹسمین ہیں۔ ان سے قبل شعیب ملک چار مرتبہ، بابر اعظم دو مرتبہ جبکہ عمر اکمل، احمد شہزاد، عمران نذیر اور محمد حفیظ ایک ایک مرتبہ سال میں ایک ہزار رنز بناچکے ہیں۔
بابر اعظم نے 2019 میں 1607اور 2020 میں 1242 رنز بنائے تھے، شعیب ملک نے 2016 میں 1082، 2020 میں 1030، 2014 میں 1030اور 2019 میں 1010رنز بنائے تھے۔ محمد حفیظ نے 2020 میں 1005، عمر اکمل نے 2016 میں 1386، احمد شہزاد نے 2012 میں 1138 جبکہ عمران نذیر نے 2012 میں 1036رنز بنائے تھے۔
مزید خبریں :
پرتھ ٹیسٹ میں سنچری:کوہلی نے سر ڈون بریڈمین کو پیچھے چھوڑ دیا
25 نومبر ، 2024
رشبھ پنت آئی پی ایل کی تاریخ کے مہنگے ترین کھلاڑی بن گئے
25 نومبر ، 2024
پرتھ ٹیسٹ میں بھارت نے آسٹریلیا کو 295 رنز سے شکست دیدی
25 نومبر ، 2024
ریٹائرمنٹ یا طلاق! ویرات کوہلی کی پوسٹ پر مداح پریشان کیوں ہوئے؟
25 نومبر ، 2024
