امریکی انخلا کے بعد افغانستان میں خانہ جنگی ہوگی: روسی وزیر دفاع

روس کے وزیر دفاع سرگئی شوئیگو نے امریکی فوج کے انخلا کے بعد افغانستان میں خانہ جنگی کا خدشہ ظاہر کیا ہے۔

بین الاقوامی سلامتی سے متعلق ماسکو کانفرنس سے خطاب کرتے ہوئے روسی وزیر دفاع سرگئی شوئیگو کا کہنا تھا کہ اسلام آباد اور تہران کے بغیر افغان گروہوں کو متحد رکھنا ناممکن ہے، افغانستان کے پڑوسی ممالک اور بین الاقوامی تنظیمیں صورتحال پر توجہ دیں۔

افغانستان سےانخلا، بائیڈن کا عمران خان سے رابطہ نہ کرنا بڑی تباہی ہوگا، امریکی سینیٹر

حیرت ہے کہ اب تک بائیڈن نے وزیراعظم پاکستان سے رابطہ نہیں کیا،کیسے توقع کر سکتے ہیں کہ پاکستان کے بغیر افغانستان سے واپسی مؤثرہوگی؟لنزے گراہم

انہوں نے کہا کہ شنگھائی تعاون تنظیم کی صلاحیتوں کو بروئے کار لانا چاہیے، مشترکہ سلامتی معاہدہ تنظیم (سی ایس ٹی او) ضروری سکیورٹی اقدامات کرے گی، سی ایس ٹی او کے رکن ممالک کی دفاعی صلاحیتوں کو بڑھایا جائے گا۔

خیال رہے کہ اس سے قبل امریکی سینیٹر لنزے گراہم نے اپنے ایک بیان میں کہا تھا کہ امریکی صدر جوبائیڈن کی جانب سے افغانستان سے فوجی انخلا کے حوالے سے پاکستان سے رابطہ نا کرنا بڑی تباہی ثابت ہو گا۔