05 جولائی ، 2021 
بھارتی نوجوانوں نے 'غلط فہمی' گاکر عاصم اظہر کا دل جیت لیا
05 جولائی ، 2021
میوزک انڈسٹری کے نامور گلوکار عاصم اظہر نے ٹوئٹر پر ایک ویڈیو شیئر کی ہے جس میں کچھ لڑکے طبلے، ڈھول اور دیگر موسیقی آلات کی تھاپ پر ان کا گانا غلط فہمی انتہائی سریلی آواز میں گارہے ہیں۔
عاصم اظہر نے ٹوئٹ میں بتایا کہ یہ ویڈیو انہیں انٹرنیٹ پر ملی جسے دیکھ کر انہیں بے حد خوشی ہوئی۔
گلوکار کے مطابق ان لڑکوں کا تعلق بھارتی دارالحکومت دہلی سے ہے۔
عاصم نے اپنا گانا سرحد پار مقبول ہونے اور پڑوسی ملک سے پیار ملنے پر خوشی کا اظہار کیا۔ْ
تاہم یہ پہلی بار نہیں جب یہ گانا بھارت میں مقبول ہوا ہو، اس سے قبل بھی یہ اسپاٹیفائی بھارت میں نمبر 2 پر ٹرینڈ کرچکا ہے۔
خیال رہے کہ عاصم اظہر کا گانا غلط فہمی اداکار بلال اشرف اور ماہرہ خان کی فلم سپر اسٹار میں اگست 2020 میں ریلیز کیا گیا تھا۔
مزید خبریں :
شوہر سے طلاق کا تعلق اے آر رحمان سے ہے؟ گٹارسٹ نے خاموشی توڑ دی
22 نومبر ، 2024
سابق بھارتی اداکارہ ثنا خان کے ہاں دوسرے بچے کی پیدائش متوقع
22 نومبر ، 2024
