ویڈیو: 9ویں منزل سے گرنے والی خاتون معجزانہ طور پر بچ گئی

کسی نے کیا خوب کہا ہے جسے اللہ رکھے اسے کون چکھے  اور  بھارت میں پیش آنے والا ایک واقعہ اس مقولے کی بہترین مثال ہے۔

بھارتی میڈیا پر  ایک خاتون کی عمارت کے نویں فلور  سے گرتے وقت کی ویڈیو شیئر کی گئی ہے، خاتون کا عمارت کی نویں منزل سے گرنے کا واقعہ  بھارتی ریاست  اترپردیش کے شہر غازی آباد میں پیش آیا۔

رپورٹ کے مطابق پولیس کو واقعے کی اطلاع سوشل میڈیا پر ویڈیو  وائرل ہونے کے بعد ملی۔

میڈیا رپورٹس کے مطابق خاتون اپنے شوہر کے ہمراہ گزشتہ 2 سال سے کراسنگ ریپبلک کے فلیٹ میں رہائش پذیر ہیں، بتایا جا رہا ہے کہ خاتون کا گرنے سے قبل اپنے شوہر سے جھگڑا ہوا تھا تاہم اس واقعے کی مکمل وجوہات معلوم نہیں ہو سکی ہے اور پولیس کی جانب سے تفتیش کا سلسلہ جاری ہے۔

ویڈیو میں 30 سالہ خاتون کو عمارت کی  نویں منزل سے لٹکتے  اور شوہر کا ہاتھ تھامے دیکھا جاسکتا ہے، شوہر کو اپنی اہلیہ کو اوپر کھینچنے کی کوشش کرتے بھی دیکھا جاسکتا ہے لیکن خاتون اپنے شوہر کے ہاتھ سے پھسل کر عمارت کی 9 ویں منزل سے نیچے گر جاتی ہے۔

بعد ازاں شوہر کی جانب سے خاتون کو اسپتال لے جایا گیا جہاں ان کا علاج جاری ہے۔

رپورٹ کے مطابق خاتون کو سر میں شدید نوعیت کی چوٹیں آئی ہیں، ان کی حالت تشویشناک بتائی جاتی ہے۔

ویڈیو: 6000 فٹ کی بلندی سے گرنے والی خواتین معجزانہ طور پر بچ گئیں

مذکورہ واقعہ جھولے کی پول سے ٹکر کے باعث پیش آیا جس کے نتیجے میں دونوں خواتین پھسل کر نیچے جاگریں۔

مردہ شخص 6 گھنٹوں تک ٹرام میں گھومتا رہا، کسی کو خبر نہ ہوئی

شخص مردہ حالت میں مسلسل 6 گھنٹوں تک اپنی سیٹ پر موجود رہا اور کسی کو پتا نہ چل سکا کہ اس شخص کی موت ہوگئی ہے