19 جولائی ، 2021
چائے ہماری روز مرہ کی زندگی کا ایک اہم حصہ ہے ، ناشتے میں چائے، نیند آرہی ہو تو چائے ، مہمان آگئے تو چائے، آفس کے دوران چائے، شام کے وقت چائے، ہم تقریباً دن میں 3 بار تو چائے پی ہی لیتے ہیں ۔
کیا آپ نے کبھی غور کیا ہے کہ صرف چائے ہمارے گلے سے نہیں اُترتی، ہم چائے کے ساتھ کبھی نمکو، کیک رسک ، اسنیکس وغیرہ ضرور کھاتے ہیں۔
کیا واقعی ہمیں چائے کے ساتھ ان سب چیزوں کو کھانا چاہیے؟
حال ہی میں بھارت سے تعلق رکھنے والی فوڈ تھراپسٹ ڈاکٹر ریا بینرجی نے انسٹا گرام پر ویڈیو اپلوڈ کرتےہو ئے صارفین سے پوچھا کہ کیا آپ لوگوں کو واقعی چائے کے ساتھ مختلف چیزیں کھانے کی ضرورت ہے؟
ڈاکٹر ریا بینرجی نے کہا کہ لوگ اکثر چائے کے ساتھ اسنیکس اور مختلف چیزیں کھاتے ہیں جبکہ انہیں بھوک بھی نہیں ہوتی، آج کل ہمارے وزن بڑھنے کی یہ ایک اہم وجہ ہے۔
انھوں نے صارفین کو مشورہ دیا کہ ہمیشہ چائے کے ساتھ اسنیکس کھانے کی ضرورت نہیں ہے، آپ ضرور کھائیں پر جب آپ کو بھوک لگ رہی ہو ،غیر ضروری کھانے سے پرہیز کریں۔
ڈاکٹر ریا کے مطابق ہر کسی کو اپنےصحیح کھانے پر توجہ دینی چاہیے، بھوک لگے تو اچھا کھانا کھائیں تاکہ آپ کا نظام انہضام ٹھیک رہ سکے۔