وہ دن دور نہیں جب پاکستان ترقی یافتہ اقوام کے شانہ بشانہ کھڑا ہو گا: وزیراعظم

اسلام آباد: وزیراعظم عمران خان کا کہنا ہے وہ دن دور نہیں جب پاکستان ترقی یافتہ اقوام کے شانہ بشانہ کھڑا ہو گا۔

وزیراعظم عمران خان نے عید الاضحٰی کے موقع پر قوم کے نام اپنے پیغام میں کہا کہ عید پر پاکستانی قوم اور عالم اسلام کو مبارک باد پیش کرتا ہوں۔

ان کا کہنا تھا کہ قربانی کا جذبہ عالمگیر حیثیت کا حامل ہے، کوئی قوم اس وقت تک ترقی نہیں کرسکتی جب تک اس میں قربانی کا جذبہ نا ہو۔

ملک بھر میں آج عید الاضحیٰ مذہبی جوش و جذبے کیساتھ منائی جا رہی ہے

نماز عید کی ادائیگی کے بعد مسلمان سنت ابراہیمیؑ کی پیروی کرتے ہوئے قربانی کا فریضہ ادا کر رہے ہیں

انہوں نے کہا کہ ہماری معیشت درست سمت پر آ چکی ہے، حکومتی اقدامات کے نتیجے میں معاشی اعداد وشمار حوصلہ افزا ہیں، مختلف اسکیموں کے ذریعے لوگوں کو ریلیف فراہم کیا جا رہا ہے۔

وزیراعظم کا کہنا تھا وہ دن دور نہیں جب پاکستان ترقی یافتہ ممالک کے شانہ بشانہ کھڑا ہو گا، ان شاءاللہ قوم کا سر اقوام عالم کے سامنے فخر سے بلند ہو گا۔