ویسٹ انڈیز نے پاکستان کیخلاف ٹی ٹوئنٹی سیریز کو ری شیڈول کردیا

پاکستان اور ویسٹ انڈیز کے درمیان  کو ری شیڈول کردیا گیا  جس کے بعد سیریز کا  آغاز  اب 28 جولائی سے ہوگا۔ 

اس سے قبل  دونوں  ٹیموں کے درمیان پہلا ٹی ٹوئنٹی میچ  27 جولائی کو کھیلا جانا تھا۔ آسٹریلیا اور ویسٹ انڈیز کے درمیان ون ڈے سیریز تاخیر سے ختم ہونے کے باعث پاکستان اور ویسٹ انڈیز کی ٹی ٹوئنٹی سیریز میں ردوبدل کیا گیا۔

افغانستان میں شیڈول پاک افغان ون ڈے سیریز سری لنکا میں ہونے کا امکان

افغانستان کرکٹ بورڈ نے سری لنکا میں سیریز کرانے کی منصوبہ بندی شروع کر دی

 کورونا وائرس کے کیسز سامنے آنے پر ویسٹ انڈیز اور آسٹریلیا کے درمیان دوسرا ون ڈے میچ التواء کا شکارہوا تھا، پاکستان کرکٹ ٹیم  اب  ویسٹ انڈیز کے خلاف 5 کی بجائے4 میچز کھیلے گی۔

 میچ میں کمی کے ساتھ پہلا ٹی ٹوئنٹی میچ اب 28 جولائی کو بارباڈوس میں کھیلا جائے گا جبکہ  باقی 3 میچز شیڈول کے مطابق گیانا میں ہوں گے۔

کرکٹ ویسٹ انڈیز کی جانب سے جاری کردہ نئے شیڈول کے مطابق دونوں ٹیموں کے درمیان ٹی ٹوئنٹی سیریز اب 28 جولائی کو شروع ہوگی جبکہ دوسرا میچ 31 جولائی، تیسرا یکم اگست اور چوتھا 3 اگست کو کھیلا جائے گا۔

اس کے علاوہ 2 ٹیسٹ میچوں کی سیریز 12 اگست سے شروع ہوگی جبکہ دوسرا ٹیسٹ میچ 20 اگست سے کھیلا جائے گا۔

 پاکستان کرکٹ ٹیم 25 اگست کو وطن واپس روانہ ہوگی۔