Can't connect right now! retry

انٹرٹینمنٹ
26 جولائی ، 2021

کنگنا رناوت مداح کی حادثاتی موت پر غمزدہ

فائل فوٹو
فائل فوٹو

بھارت کی مقبول اداکارہ کنگنا رناوت اپنی مداح کی اچانک موت پر افسردہ ہیں۔

اداکارہ نے انسٹاگرام اسٹوری پر ڈاکٹر دیپا شرما نامی لڑکی کی موت کی خبر شیئر کی جو کہ بھارتی ریاست ہماچل پردیش میں ہونے والی لینڈ سلائیڈنگ کے دوران دنیا سے چل بسی۔

کنگنا نے اسٹوری میں لکھا کہ یہ ایک بہترین مداح تھی، مجھے پیارے سے خطوط بھیجا کرتی تھی، یہ جب میرے منالی والے گھر میں آئی تھی تو بہت سے تحائف اور مٹھائی ساتھ لائی تھی، اس کی موت کی خبر انتہائی افسوسناک ہے۔

اسکرین شاٹ
اسکرین شاٹ

اپنی اگلی اسٹوری میں کنگنا نے کہا کہ مجھے اب تک یاد ہے میں اپنی فلم مانیکارنیکا کی شوٹنگ کیلئے جے پور میں تھی، بہت سے مداح میرے ہوٹل کی لابی میں میرے انتظار میں تھے، میں نے اس بھیڑ کی جانب کوئی توجہ نہیں دی لیکن دیپا نے مجھے دیکھ لیا تھا۔

کنگنا نے مزید لکھا کہ وہ دوڑتی اور چیختی ہوئی میرے پاس آئی اور مجھے گلے لگا لیا۔

اداکارہ نے انکشاف کیا کہ میں اور دیپا تب سے ہی ایک دوسرے کے ساتھ رابطے میں تھے اور آج یہ انتہائی افسوسناک خبر سننے کو مل گئی۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM