27 جولائی ، 2021 
'خواتین کو ہراساں کرنیوالوں کی نشاندہی کریں‘، صبا قمر کا مردوں سے مطالبہ
27 جولائی ، 2021
اداکارہ صبا قمر نے تمام مردوں کو مخاطب کرتے ہوئے ان سے خواتین کو ہراساں کرنیوالے مردوں کی نشاندہی کا مطالبہ کیا ہے۔
صبا قمر نے انسٹاگرام پر اسٹوری شیئر کی اور لکھا کہ کسی نے کہا ہم تمام خواتین اگلا ہیش ٹیگ بننے کیلئے محض ایک درندہ صفت مرد کی دوری پر ہیں اور اس بات نے میری ریڑھ کی ہڈی میں کپکپی طاری کردی۔
معاشرے میں خواتین پربڑھتے تشدد اور قتل کے واقعات کے تناظر میں اداکارہ نے تمام مرد مداحوں کو مخاطب کرتے ہوئے لکھا کہ اگر آپ سچے مرد ہیں اور اپنی زندگی میں کبھی بھی کسی عورت کی پرواہ کی ہے تو اپنے دوست احباب میں سے ایسے سفاک مردوں کی سرِعام نشاندہی کریں جو خواتین پر تشدد یا انہیں ہراساں کرنے جیسے خیالات کو اپنے ذہنوں میں رکھتے ہیں۔
اداکارہ نے مردوں سے کہا کہ برائے مہربانی یہ بھائی بھائی کا کھیل بند کریں، اگر آپ سرِعام ان افراد کا نام نہیں لے سکتے تو اس کا مطلب یہ ہے کہ آپ انہیں تحفظ فراہم کرنے کی کوشش کررہے ہیں۔
صبا قمر کی جانب سے انسٹاگرام پر ایک پوسٹ بھی شیئر کی گئی جس میں انہوں نے اسلام آباد میں بے رحمی سے قتل کی جانیوالی سابق سفیر کی بیٹی نور مقدم کو انصاف دِلانے کیلئے آواز اٹھائی۔
اداکارہ نے سوالیہ انداز میں کہا کہ یہ پہلی بار نہیں جب کوئی معصوم زندگی یوں ختم کردی گئی ہو، سوال یہ ہے کہ ہم کب تک اس بدصورت پہلو کو نظر انداز کرکے زندگی میں آگے بڑھتے رہیں گے؟
مزید خبریں :
بالی وڈ اداکار متھن چکرورتی کی پہلی بیوی چل بسیں
9 گھنٹے پہلے
بھارتی اداکارہ نے مدینہ منورہ میں نکاح کرلیا، تصاویر وائرل
05 نومبر ، 2024
اداکارہ نعیمہ بٹ نے اپنے لمبے گھنے بالوں کا راز بتا دیا
12 گھنٹے پہلے
