27 جولائی ، 2021 
پاکستان
کسی بھی ملک میں امریکی شہری اس ملک کے قوانین کے تابع ہوتے ہیں، امریکی سفارتخانہ
27 جولائی ، 2021
اسلام آباد میں امریکی سفارت خانے نے اپنے بیان میں کہا ہےکہ کسی بھی ملک میں امریکی شہری اس ملک کے قوانین کے تابع ہوتے ہیں، امریکی سفارت خانہ کسی کیس میں عدالتی کارروائی پر اثر انداز نہیں ہوسکتا۔
سوشل میڈیا پر جاری ایک بیان میں امریکی سفارت خانےکا کہنا ہےکہ جب امریکیوں کو بیرون ملک گرفتار کیا جاتا ہے تو سفارت خانہ ان کی خیریت معلوم کرسکتا ہے اور وکلاء کی فہرست فراہم کرسکتا ہے، لیکن انہیں قانونی مشورے نہیں دے سکتا۔
بیان میں مزیدکہا گیا ہےکہ امریکی سفارت خانہ عدالتی کارروائی میں حصہ نہیں لے سکتا نہ ان کی رہائی پر اثر انداز ہوتا ہے۔
