عالیہ بھٹ نے رنبیر کپور کی کونسی چیز چوری کرلی؟

بالی وڈ اداکارہ عالیہ بھٹ ہمیشہ  اپنی خوبصورتی اور  بہترین اداکاری سے  مداحوں کے دل چرا لیتی ہیں لیکن اس مرتبہ انہوں نے اپنے بوائے فرینڈ اور  بالی وڈ کے معروف اداکار رنبیر کپور کی ایک چیز چوری کی ہے۔

کیا آپ جاننا چاہتے ہیں وہ چیز کیا ہے؟

عالیہ بھٹ نے انسٹا گرام پرکچھ تصاویر  اپ لوڈ کی ہیں جن میں اداکارہ کو  سیاہ رنگ کی ٹوپی پہنے  دیکھا جاسکتا ہے۔

 یہ ٹوپی کسی اور کی نہیں بلکہ  ان کے بوائے فرینڈ  رنبیر کپور کی ہے۔

عالیہ بھٹ کب شادی کریں گی؟ ادکارہ نے خود ہی بتادیا

بالی وڈ اداکار رنبیر کپور اور عالیہ بھٹ کے تعلق اور شادی کے بارے میں کافی عرصے سے افواہیں گردش کر رہی ہیں۔

اداکارہ نے  تصویر کے کیپشن میں لکھا کہ جب آپ اسے  یاد کررہے ہوں تو آپ اس  شخص کی کوئی چیز  چوری کرلیں اور پھر اس کے ساتھ کئی سیلفیاں لیں۔

 عالیہ بھٹ نے  پوری دنیا کو بتادیا کہ جب وہ اپنے بوائے فرینڈ رنبیر کپور  کو یاد کرتی ہیں تو ان کی چرائی ہوئی  ٹوپی پہن کر سیلفیاں لیتی ہیں۔ 

اس پوسٹ پر صارفین کی جانب سے مزے مزے کے تبصرے کیے جارہے ہیں اور اُمید کی جارہی ہے کہ دونوں اداکار جلد ہی شادی کرلیں گے۔

واضح رہے دونوں اپنی آنے والی نئی فلم'برہماسترا' میں ایک ساتھ دکھائی دیں گے ۔