01 اگست ، 2021 
بھارتی کرکٹ بورڈ کی کشمیرپریمئیرلیگ کیخلاف ایک اور سازش بے نقاب
01 اگست ، 2021
بورڈ آف کنٹرول فار کرکٹ اِن انڈیا(بی سی سی آئی) کی کشمیرپریمیئرلیگ (کے پی ایل) سے متعلق ایک اور سازش بے نقاب ہوگئی۔
ذرائع کے مطابق بھارتی کرکٹ بورڈ نےکشمیرپریمئیرلیگ کو منظور نہ کرنے کیلئے انٹر نیشنل کرکٹ کونسل (آئی سی سی) کو خط لکھا ہے۔
اس کے علاہ بھارتی بورڈ نے آئی سی سی کے رکن ممالک کو بھی کشمیر لیگ کے بائیکاٹ کا کہا ہے۔
پی سی بی نے کشمیر پریمیئرلیگ کے لیے این او سی جاری کیا ہوا ہے جس کا آئی سی سی کو بھی علم ہے۔
پی سی بی ذرائع نے بتایا کہ آئی سی سی نے ممبرممالک کوکے پی ایل میں شرکت کی اجازت دی ہے اور منظور شدہ کشمیرپریمیئر لیگ پر آئی سی سی کو کوئی اعتراض نہیں۔
ذرائع کے مطابق لیگ میں 5 سال سے زائد عرصے سے ریٹائرڈ کھلاڑیوں کو کھیلنےکی اجازت ہے۔
ذرائع کا کہنا ہے کہ بھارتی کرکٹ بورڈ کشمیر پریمیئرلیگ پر بوکھلاہٹ کا شکار ہے۔
دوسری جانب آئی سی سی کے ترجمان کا کہنا ہے کہ کشمیر پریمیئر لیگ کو پاکستان کرکٹ بورڈ نے منظور کیا ہے، غیرانٹرنیشنل کرکٹ کی منظوری یا غیر منظوری آئی سی سی کا دائرہ اختیار نہیں۔
خیال رہے کہ گزشتہ دنوں بھارتی کرکٹ بورڈ کی دھمکی کے باعث ٹورنامنٹ میں شریک تمام غیر ملکی کرکٹرز کشمیر پریمیئر لیگ سے دستبردار ہوگئے تھے۔
مزید خبریں :
سلیکشن کمیٹی کے بعد محمد یوسف کوچنگ سے بھی الگ ہوگئے
10 گھنٹے پہلے
آسٹریلیا نے دوسرے ٹی ٹوئنٹی میں پاکستان کو 13 رنز سے شکست دے دی
16 نومبر ، 2024
