Can't connect right now! retry

اداکار سیٹ پر ڈائیلاگ یاد کرنے کے بجائے باتیں کرتے ہیں: مریم نفیس

فوٹوبشکریہ انسٹاگرام
فوٹوبشکریہ انسٹاگرام

اداکارہ مریم نفیس نے اپنے ساتھی اداکاروں کے ساتھ کام کے تجربے سے متعلق گفتگو کی ہے۔

تھیٹر پروڈیوسر کے طور پر شوبز کیرئیر کا آغاز کرنے کے بعد اداکاری میں انٹری دینے والی مریم نفیس نجی ٹی وی کے شو میں شریک ہوئیں اورشوبز انڈسٹری کے تجربے پر گفتگو کی۔

مریم نفیس کا کہنا تھا کہ تھیٹر میرے لیے  گھر کی طرح ہے اور پروڈکشن کا تجربہ بھی بہت اچھا رہا لیکن ٹی وی کی زندگی بہت مشکل ہے کیوں کہ  اس کے بعد آپ کی کوئی زندگی نہیں رہتی۔

اداکارہ نے کہا کہ بہت زیادہ گرمی میں جب سیٹ پر پنکھے اے سی سب بند ہوں  تو بہت سے فنکار اپنے ڈائیلاگز اور سین یاد  کرنے کے بجائے  باتیں کرتے ہیں، ایسے اداکاروں کو یہی کہتی ہوں کہ پہلے اپنے سین یاد کرلو۔

اداکارہ کی بات پر اتفاق کرتے ہوئے میزبان نے بھی ماضی میں اداکاری کا تجربہ شیئر کرتے ہوئے بتایا کہ انہیں بھی سیٹ پر اسکرپٹ دینے کے بجائے لفظی طور پر ڈائیلاگز بتائے گئے۔

مریم نفیس نے بتایا کہ میں ان اداکاروں میں سے ہوں جنہیں اسکرپٹ پڑھنا ہوتا ہے لیکن حال ہی میں جب میں نے ایک فلم ساز سے پراجیکٹ سائن کرنے سے قبل اسکرپٹ مانگا تو انہوں نے مجھ پر برہم ہوتے ہوئے کہا کیا آپ بالی وڈ میں کام کررہی ہیں جو اسکرپٹ مانگ رہی ہیں ،اب ایسا نہیں ہوتا ،آج کل کی لڑکیاں نجانے خود کو کیا سمجھتی ہیں۔

اداکارہ نے بتایا کہاجس پر میں نے پروڈیوسر کو کہا یہ میرا حق ہے آپ ایسے نہیں کہہ سکتے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM