حکومت نے پھر اپنے اخراجات پورے کرنےکیلیے پیٹرول بم کا سہارا لیا ہے، بلاول

چیئرمین پیپلز پارٹی بلاول بھٹو زرداری نے پیٹرولیم مصنوعات مہنگی کرنے پر  وفاقی حکومت پر کڑی تنقید کی ہے۔

ایک بیان میں بلاول نے پیٹرولیم مصنوعات میں اضافے کو مسترد کرتے ہوئےکہا کہ حکومت نے پھر اپنے اخراجات پورے کرنے کے لیے پیٹرول بم کا سہارا لیا، پاکستان مزید مہنگائی کا متحمل نہیں ہوسکتا۔

ملک میں پیٹرول اور مٹی کا تیل مہنگا کردیا گیا، نوٹیفکیشن جاری

پیٹرول کی قیمت میں ایک روپے 71 پیسے فی لیٹر اضافے کے بعد نئی قیمت 119 روپے 80 پیسے فی لیٹر ہوگی، نوٹیفکیشن

بلاول کا کہنا تھا کہ وزیراعظم فقط جھوٹ بولنے اور سیاسی انتقام کے علاوہ کچھ نہیں جانتے، سلیکٹڈ حکومت کی نااہلی ملک کے آگے بڑھنے میں رکاوٹ بن چکی ہے، وفاقی حکومت کو غریب عوام کی مشکلات کا خیال نہیں ہے،ایک ماہ میں پیٹرول کی قیمت میں 10 روپے لیٹر اضافہ کیا گیا۔

ان کا کہنا تھا کہ سلیکٹڈ وزیراعظم سے ملک نہیں چل رہا ہے، خان صاحب! عوام پر رحم کرو، پیٹرول کی قیمتوں میں اضافہ واپس لو،  پیٹرول پر ٹیکسز کم کرو۔