غیر ملکی کمپنی نے شاہد خاقان اور مفتاح اسماعیل کے الزامات مستردکردیے، علی زیدی

وفاقی وزیر علی زیدی کا کہنا ہےکہ آئل اینڈ گیس کمپنی ایگزون موبل نے شاہد خاقان اور مفتاح اسماعیل کے بے بنیاد الزامات مسترد کردیے ہیں۔

ایک بیان میں علی زیدی کا کہنا تھا کہ انہوں نے  اپنے خط پر ایگزون موبل کا جواب وزیراعظم ہاؤس کو بھیج دیا ہے اور خاقان اور مفتاح کے لگائے گئے الزامات پر تحقیقات کا مطالبہ کیا ہے۔

شاہد خاقان اور مفتاح رشوت طلب کرنے والے وزیر کا کھلے عام نام لیں، علی زیدی

شاہد خاقان اور مفتاح اسماعیل نے ایک وزیر کے غیر ملکی کمپنی سے رشوت طلب کرنے کا دعویٰ کیا، وفاقی وزیر برائے بحری امور

 علی زیدی کا کہنا تھا کہ شاہد خاقان اور مفتاح اسماعیل کے بے بنیاد الزامات سے متعلق ان کے خط پر ایگزون موبل نے نہ صرف فضول باتوں کی تردید کی ہے بلکہ شکایت بھی درج کرائی ہے، ایگزون موبل نے واضح کیاہےکہ ایسے بے بنیاد الزامات سے ملٹی نیشنل کمپنیوں کی پاکستان میں سرمایہ کاری کی حوصلہ شکنی ہوتی ہے۔

وفاقی وزیر نے ن لیگی رہنماؤں پر تنقید کرتے ہوئےکہا کہ وزیراعظم عمران خان کی کارکردگی سے ان کرپٹ کارٹونوں پر بوکھلاہٹ سوار ہے، ان کے بیانات نے پاکستان کے عالمی تاثر کو نقصان پہنچایا ہے، وقت آگیا ہے کہ یہ اہم سوالات پوچھے جائیں۔

انہوں نےکہا کہ  کرپٹ کارٹونوں نے شریف خاندان کو بچانے کے لیے پاکستان کی بدنامی کی۔