03 اگست ، 2021 
کینسر سے متاثر طالب علم نے اسپتال سے 97.2 فیصد نمبرز حاصل کرلیے
03 اگست ، 2021
اگر تعلیم حاصل کرنے کا جنون ہو تو انسان بڑی سے بڑی مشکلات کا سامنا کرلیتا ہے، بھارت سے تعلق رکھنے والے طالب علم بیبن بلدیو راج نے بھی کچھ ایسا ہی کر دکھایا۔
دبئی میں17 سالہ طالب علم بیبن بلدیو راج نے کینسر جیسی مہلک بیماری سے لڑتے ہوئے اسپتال کے بستر سے ہی انڈین سینٹرل بورڈ آف سیکنڈری ایجوکیشن کے گریڈ 12 کے امتحانات میں 97.2 فیصد نمبر حاصل کر کے کامیابی حاصل کرلی۔
بیبن بلدیو راج نے ہڈیوں میں پائے جانے والے کینسر کی قسم ایونگز سارکوما ( Ewing’s sarcoma) کے چوتھے اسٹیج سے لڑتے ہوئے اپنے اسپتال کے بستر سے ہی امتحانات کی تیاری کی۔
امتحانات کے نتائج کا اعلان گزشتہ ماہ 30 جولائی کو کیا گیا۔
راج نے انگریزی اور ماس میڈیا اسٹڈیز میں 98 ، ہوم سائنس اور مارکیٹنگ میں 97 اور معاشیات میں 96 نمبر حاصل کیے اور اسکول میں تیسری پوزیشن حاصل کی۔
بیبن بلدیو راج کا کہنا ہے کہ کورونا کی وجہ سے تعلیم آن لائن ہوگئی جس کی وجہ سے انہیں اسپتال کے بستر سے اپنے امتحانات کی تیاری میں مدد ملی۔
واضح رہے کہ امتحانات کی تیاری کے دوران ابتداء میں راج دبئی کے الزہرا اسپتال میں زیرِ علاج تھے جبکہ اب راج کا علاج بھارتی پنجاب میں جالندھر کے امریکی آنکولوجی انسٹی ٹیوٹ میں ہورہا ہے۔
مزید خبریں :
اے آئی سے لیس روبوٹس کے درمیان پہلی بار دلچسپ فٹبال میچ
29 جون ، 2025
کِلر وہیلز نے سائنسدانوں کے ذہنوں کو کیوں گھما دیا؟
24 جون ، 2025
