اسٹیج اداکارہ دعا چوہدری کا اپنے شوہر پر تشددکا الزام

لاہور میں اسٹیج اداکارہ دعا چوہدری نے اپنے شوہر پر تشدد کا الزام عائد کرتے ہوئے قانونی کارروائی کے لیے تھانے میں درخواست دے دی۔

تھانہ اچھرہ میں دی گئی درخواست میں اداکارہ صباعامر عرف دعا چوہدری نےکہا ہے کہ ایس ایچ او مناواں کے بھائی سلیمان شوکت سے تین سال پہلے شادی کی اور14 لاکھ کا جہیز ساتھ لائی تھی۔

شو کیلئے جانے سے انکار پر اسٹیج اداکارہ سنبل خان قتل

اسٹیج اداکارہ سنبل خان کو 3 ملزمان نے مرادن کے علاقے ملتون ٹاؤن میں گھر میں گھس کر فائرنگ کرکے قتل کیا

دعا چوہدری کے مطابق سلیمان شوکت نے اچھرہ میں کرائےکے مکان میں رکھا ،جب دل بھر گیا تو تشدد شروع کردیا،مارپیٹ سے اس کا حمل بھی ضائع ہوگیا،پھر ایک دن کسی بہانے گھرسے باہر بلایا اور گھرکو تالا لگا دیا۔

دوسری جانب ایس ایچ او مناواں کے بھائی سلیمان شوکت کے مطابق وہ سافٹ ویئر انجینیئر ہے ،اداکارہ دعا شادی کی آڑ میں لاکھوں روپے بٹور چکی ہے، میں نے اس پر کوئی تشدد نہیں کیا۔

ایس پی ماڈل ٹاؤن دوست محمد کھوسہ کے مطابق ڈی ایس پی اچھرہ معاملے کی انکوائری کر رہے ہیں، تحقیقات کے بعد کارروائی ہوگی۔