نازیہ نے خود لکھوایا کہ شوہر نے انہیں کچھ کھلایا تھا اور برا سلوک کرتے تھے، زوہیب

پاکستان کی معروف گلوکارہ نازیہ حسن کے بھائی زوہیب نے کہا ہے کہ نازیہ نے لندن میں حلف کے تحت جو بیان ریکارڈ کروایا تھا اس میں نازیہ نے خود لکھوایا کہ ان کے شوہر نے انہیں کچھ کھلایا تھا اور ان کے ساتھ برا سلوک کرتا تھا۔

'پاپ کوئین' نازیہ حسن کی 53 ویں سالگرہ، گوگل کا بھی خراج عقیدت

نازیہ حسن کی یادیں آج بھی لوگوں کے دلوں میں زندہ ہیں اور ان کے گانے سماعتوں میں رس گھولتے ہیں۔

جیو نیوز سے گفتگو میں زوہیب حسن نے کہا کہ نازیہ اپنی زندگی میں اپنے ہاتھ سے لکھ چکی تھیں کہ وہ طلاق چاہتی ہیں انہوں نے نازیہ حسن کے سابق شوہر پر کوئی الزام نہیں لگایا۔

اس حوالے سے نازیہ کے سابق شوہر مرزا اشتیاق بیگ نے اپنے ردعمل میں کہا ہے کہ وہ ان الزامات کے جواب میں زوہیب حسن پر ایک ارب روپے ہرجانے کا دعویٰ دائر کرنے جارہے ہیں۔

جیو نیوز سے گفتگو میں اشتیاق بیگ نے کہا کہ زوہیب نہیں چاہتے تھے کہ نازیہ کی شادی کسی سے بھی ہو کیونکہ زوہیب کا گزر بسر نازیہ کی آمدنی پر ہی تھا۔  

خیال رہے کہ نازیہ حسن محض 35 برس کی عمر میں پھیپھڑوں کے کینسر میں مبتلا ہوکر 13اگست 2000 کو اس دار فانی سے رخصت ہوگئی تھیں۔