19 اگست ، 2021 
حساس معلومات والی امریکی فوج کی بائیو میٹرک ڈیوائسز طالبان کے ہاتھ لگ گئیں
19 اگست ، 2021
طالبان نے افغانستان پر کنٹرول کے دوران امریکی فوج کی بائیومیٹرک ڈیوائسز کو بھی قبضے میں لے لیا ہے۔
امریکی فوج کو خدشہ ہے کہ ڈیوائسز میں موجود حساس معلومات کو طالبان اپنے مخالفین کے خلاف استعمال کرسکتے ہیں۔
میڈیا رپورٹ کے مطابق امریکی فوج کی بائیو میٹرک ڈیوائسز پچھلے ہفتے طالبان نے اپنے قبضے میں لیں۔
ان بائیو میٹرک ڈیوائسز میں امریکی فوجیوں اور مقامی افغانوں کا حساس ڈیٹا موجود ہے، امریکی حکام کو خدشہ ہے کہ بائیو میٹرک ڈیوائسز سے طالبان امریکا کے ساتھ کام کرنے والے افغانوں کی نشاندہی کر کے انہیں انتقام کا نشانہ بنا سکتے ہیں۔
امریکی حکام کا کہنا ہے کہ طالبان بائیو میٹرک ڈیوائسز کا ڈیٹا خود چیک نہیں کرسکتے لیکن پڑوسی ملک کی انٹیلی جنس ایجنسی ان کی مدد کرسکتی ہے۔
خیال رہے کہ امریکا دہشت گردی کے خلاف عالمی جنگوں میں ایسی بائیومیٹرک ڈیوائسز استعمال کرتا رہا ہے، پاکستان میں اسامہ بن لادن کے خلاف آپریشن میں بھی امریکا نے بائیو میٹرک معلومات سے مدد لی تھی۔
مزید خبریں :
ترک وزیر خارجہ کا شام کا دورہ، محمد الشرع سے ملاقات کی
22 دسمبر ، 2024
البانیہ نے ٹک ٹاک پر ایک سال کیلئے پابندی لگا دی
22 دسمبر ، 2024
ترکیہ میں ہیلی کاپٹر حادثے میں 4 افراد ہلاک
22 دسمبر ، 2024
