20 اگست ، 2021 
طالبان کا رویہ مختلف ہوسکتا ہے، انہیں ایک موقع دیناہے: برطانوی آرمی چیف
20 اگست ، 2021
برطانوی آرمی چیف کا کہنا ہےکہ اس بار طالبان کا رویہ کچھ مختلف ہوسکتا ہے لہٰذا انہیں موقع دینا چاہیے۔
غیر ملکی میڈیا کے مطابق برطانوی فوج کے سربراہ جنرل نک کارٹر نے ایک انٹرویو میں کہا کہ عالمی برادری کو افغانستان میں حکومت بنانے کے لیے طالبان کو ایک موقع دینا چاہیے، ہوسکتا ہےکہ طالبان اس مرتبہ ایک مناسب انداز میں سامنے آئیں۔
جنرل نک کارٹر نے کہا کہ وہ طالبان وفد سے ملاقات کرنے والے سابق افغان صدر حامد کرزئی سے بھی رابطے میں ہیں۔
برطانوی فوج کے سربراہ کا کہنا تھا کہ ہمیں صبر کا مظاہرہ کرنا ہے، ہمیں اپنے اعصاب قابو میں رکھنا ہیں اور طالبان کو حکومت سازی کے لیے ایک موقع دینا ہے، ہمیں طالبان کو اپنی حکومتی صلاحیتوں کا مظاہرہ کرنے کا موقع دینا ہے۔
انہوں نے مزید کہا کہ ہمیں 90 کی دہائی کے طالبان یاد ہیں مگر ممکن ہےکہ یہ ان سے مختلف ہوں۔
دوسری جانب برطانوی آرمی چیف کے بیان پر برطانیہ میں ایک نئی بحث چھڑ گئی ہے جہاں قانون ساز، صحافی اور دیگر افراد کی جانب سے اعتراض اٹھایا گیا ہے اور آرمی چیف کے اندازے کو غلط قرار دیا جارہا ہے۔
مزید خبریں :
البانیہ نے ٹک ٹاک پر ایک سال کیلئے پابندی لگا دی
8 گھنٹے پہلے
ترکیہ میں ہیلی کاپٹر حادثے میں 4 افراد ہلاک
9 گھنٹے پہلے
جنوبی افریقا میں 5.3 شدت کا زلزلہ
11 گھنٹے پہلے
