20 اگست ، 2021 
پاکستانی کرکٹر محمد حفیظ ہیتھرو ائیر پورٹ پر پھنس گئے
20 اگست ، 2021
پاکستان کرکٹ ٹیم کے سابق کپتان محمد حفیظ لندن کے ہیتھرو ائیر پورٹ پر پھنس گئے ہیں۔
آل راؤنڈر محمد حفیظ کیریبین پریمیئر لیگ (سی پی ایل) میں شرکت کیلئے لاہور سے براستہ لندن ویسٹ انڈیز جارہے تھے مگر ہیتھرو ائیرپورٹ پر ان کی فلائٹ کا شیڈول متاثر ہونے کی وجہ سے کنیکٹنگ فلائٹس منسوخ ہوگئیں جس کی وجہ سے وہ ائیر پورٹ پر ہی پھنس گئے۔
محمد حفیظ نے ٹوئٹر پر ہیتھرو ائیر پورٹ پر پھنسنے کی اطلاع دیتے ہوئے لکھا کہ وہ 'ورجن اٹلانٹک ائیر لائن کی طرف سے فلائٹ شیڈول اور منیجمنٹ کے بدترین تجربے کا سامنا کررہے ہیں۔‘
انہوں نے مزید لکھا کہ' یہاں ہیتھرو ائیرپورٹ میں زبردستی رات گزارنے کے لیے ہوٹل کا کوئی انتظام نہیں جبکہ رات 9 بجے کے بعد لاؤنج کی سہولت بھی موجود نہیں ہے۔‘
یاد رہے کہ 26 اگست سے شروع ہونے والی سی پی ایل 2021 میں پاکستان کے 9 کھلاڑی ایکشن میں ہوں گے جبکہ محمد حفیظ گیانا ایمازون وارئیرز کی جانب سے کھیلیں گے۔
مزید خبریں :
مجھے میڈیم پیسر کیوں بولا؟ بمراہ رپورٹر کے سوال پر برا مان گئے
21 نومبر ، 2024
سابق ٹیسٹ کرکٹر نذیر جونیئر انتقال کرگئے
21 نومبر ، 2024
کیا فخر زمان کی ٹیم میں واپسی ہوگی؟ ہیڈ کوچ نے لب کشائی کردی
21 نومبر ، 2024
