23 اگست ، 2021 
ویڈیو: پسند کا گانا کیوں نہیں لگایا؟ دلہن کا شادی میں انٹری سے انکار
23 اگست ، 2021
شادی کا دن کسی بھی شخص کی زندگی کا یادگار دن ہوتا ہے، اس دن کے لیے لوگ کئی سال اور مہینوں سے تیاریوں میں مصروف ہوتے ہیں، ایسے میں اگر ذرا سا کچھ مرضی کے خلاف ہو جائے تو موڈ کا خراب ہونا فطری ہے۔
اکثر و بیشتر انٹرنیٹ پر شادی بیاہ کے مواقع کی عجیب و غریب ویڈیوز زیرِ گردش رہتی ہیں، آج بھی ہم آپ کو ایک ایسی ہی ویڈیو دِکھانے والے ہیں۔
'دی ویڈنگ بریگیڈ' نامی انسٹاگرام پیج نے انتہائی دلچسپ ویڈیو شیئر کی ہے جس میں ناراض دلہن نے اپنے اہلخانہ اور دوستوں کو پریشان کر رکھا ہے۔
ویڈیو میں دیکھا جاسکتا ہے کہ دلہن ناراضی کا اظہار کرتے ہوئے کہہ رہی ہے کہ وہی لگے گا، میں نے بولا تھا وہ گانا لگے گا۔
سوشل میڈیا پر وائرل یہ ویڈیو بھارت کی ہے جس میں دیکھا جا سکتا ہے کہ دلہن نے اپنی شادی کی تقریب میں داخل ہونے سے ہی انکار کر دیا کیونکہ انٹری پر اس کی پسند کا گانا نہیں لگایا گیا تھا جبکہ اس کے گھر والے اسے سمجھا رہے ہیں کہ ہاں وہ گانا لگا رہے ہیں۔
مداحوں نے اس پوسٹ پر اپنے تبصرے بھی پیش کیے، کسی نے دلہن کو سراہا تو کسی نے اپنی شادی کا تجربہ شیئر کیا۔
مزید خبریں :
حزب اللہ کے راکٹ حملے میں اسرائیلی شہری ہلاک
5 گھنٹے پہلے
چچا کے تھپڑ مارنے پر 3 سالہ بھتیجی جان سے چلی گئی
6 گھنٹے پہلے
