23 اگست ، 2021 
فوجی انخلا میں توسیع پر ردعمل آئیگا، طالبان نے امریکا کو خبردار کر دیا
23 اگست ، 2021
ترجمان افغان طالبان سہیل شاہین نے امریکا کو خبردار کیا ہے کہ افغانستان سے غیر ملکی افواج کے انخلا میں توسیع پر ردعمل سامنے آئے گا۔
ترجمان طالبان سہیل شاہین کا برطانوی خبر ایجنسی رائٹرز کو انٹرویو دیتے ہوئے کہنا تھا کہ افغانستان سے غیر ملکی افواج کے انخلا کی تاریخ بڑھانے سے بداعتمادی پیدا ہو گی، غیر ملکی افواج کے انخلا میں توسیع کا مطلب افغانستان پر قبضےمیں توسیع ہو گا۔
ان کا کہنا تھا کہ اگر امریکا نے افغانستان سے فوجی انخلا کی 31 اگست کی ڈیڈ لائن بڑھائی تو ہماری طرف سے ردعمل سامنے آئے گا۔
سہیل شاہین کا کہنا تھا کہ افغانستان سے انخلا کرنے والے افغان شہریوں کو جان کا خطرہ نہیں ہے بلکہ وہ غربت کے باعث اکنامک مائیگریشن کر رہے ہیں۔
خیال رہے کہ امریکی صدر جوبائیڈن نے حال ہی میں اپنے ایک بیان میں اس امید کا اظہار کیا کہ 31 اگست تک افغانستان سے غیرملکی انخلا مکمل ہو جائے گا جبکہ برطانیہ کا کہنا ہے کہ امریکا سے مطالبہ کریں گے کہ غیرملکیوں کے انخلا کی تاریخ 31 اگست سے بڑھائی جائے۔
مزید خبریں :
ڈونلڈ ٹرمپ نے اپنی 15 رکنی کابینہ کا انتخاب مکمل کرلیا
25 نومبر ، 2024
اسرائیل اور حزب اللہ جنگ بندی کیلئے ابتدائی طور پر رضامند
25 نومبر ، 2024
یواے ای میں اسرائیلی مذہبی رہنما کے قتل کے شبے میں 3 افرادگرفتار
25 نومبر ، 2024
