ٹیلر سوئفٹ نے بھی ٹک ٹاک جوائن کرلی، پہلی ویڈیو کیا ڈالی؟

امریکی گلوکارہ ٹیلر سوئفٹ  نے بھی لپ سنکنگ ایپ ٹک ٹاک پر اپنا  اکاؤنٹ بنالیا ہے۔

31 سالہ گلوکارہ نے 23 اگست کو ٹک ٹاک اکاؤنٹ بنایا اور ساتھ ہی ایک ویڈیو بھی پوسٹ کی۔

امریکی گلوکارہ ٹیلر سوئفٹ کا سلمان خان سے اظہار محبت؟

ٹوئٹر پر ایک صارف کی جانب سے ٹیلر سوئفٹ کے ایک گانے کی 'جف'ویڈیو پوسٹ کی گئی اور چیلنج کیا گیا کہ بتائیں کہ وہ کیا کہہ رہی ہیں

ویڈیو کے کیپشن میں ٹیلر سوئفٹ نے  لکھا کہ  ' میں اب ٹک ٹاک پر ہوں ،اس وقت بہت کچھ چل رہا ہے، میرے اکاؤنٹ پر میری ایلبم ریڈ کا  (میرا ورژن)  تیار ہے۔‘

امریکی گلوکارہ کے ٹک ٹاک اکاؤنٹ پر اب تک 64 ہزار سے زائد  فالوورز بن گئے ہیں جبکہ ان کی پوسٹ کی گئی ویڈیو کو  ایک گھنٹے میں 50 ہزار  مرتبہ پسند کیا گیا اور 11 ہزار مرتبہ شیئر کیا گیا ہے۔

31 سالہ گلوکارہ کی جانب سے پہلی پوسٹ کرنے کے فوراً بعد کمنٹ سیکشن میں ان کے مداحوں نے  مختلف تبصرے کیے اور  ایسا لگا جیسے ان کے مداحوں کا خواب پورا ہوگیا۔

ایک مداح نے کمنٹ کیا  کہ آپ کے مداح پہلے سے ہی اس ایپلیکیشن پر موجود ہیں  مجھے لگتا ہے آپ کو اندازہ نہیں ہوگا کہ آپ کے چاہنے والے ادھر  کتنے ہیں  میں آپ کو ٹک ٹاک پر خوش آمدید کہتا ہوں ۔